• Grantiau Cyhoeddi LLCD i Gyhoeddwyr
• Cronfa Cyßeoedd Rhyngwladol Celfyddydau Rhyngwladol Cymru

GRANTIAU CYHOEDDI LLCD I GYHOEDDWYR

Pwy sydd â'r hawl i ymgeisio?

Mae grantiau cyhoeddi LLCD ar gael i gyhoeddwyr tramor er cyfieithu llenyddiaeth Gymraeg a Saesneg Cymru.

Lle bo cyfieithu llyfrau Cymraeg i'r Saesneg yn y cwestiwn, gall cyhoeddwyr yn y Deyrnas Unedig wneud cais.

Pryd mae ceisiadau yn cael eu trafod?

Mae pedwar dyddiad cau: 1af o Fawrth; 1af o Fehefin; 1af o Fedi; 1af o Ragfyr.

Sut mae ceisiadau yn cael eu hasesu?

Mae pob cais yn cael ei asesu gan banel grantiau LLCD. Mae sampl o waith y cyfieithydd yn cael ei asesu gan ddarllenydd allanol lle bo angen (os nad yw LLCD yn gyfarwydd â gwaith y cyfieithydd, er enghraifft).

Pa gymorth ariannol sydd ar gael?

Hyd at 100% o dâl y cyfieithydd.

Sut mae ymgeisio?

Dadlwythwch y ffurßen gais, os gwelwch yn dda, ac wedi ei llenwi, ei hanfon at Sioned Puw Rowlands, Cyfarwyddwr LLCD.
Mae croeso i chi gysylltu â LLCD os bydd unrhyw gwestiynau gennych am lenyddiaeth Cymru yn gyffredinol, neu os am drafod eich prosiect cyfieithu. Byddwn yn fodlon iawn eich helpu os gallwn.

Pryd mae'r grant yn cael ei dalu?

Telir y grant i'r cyhoeddwr wedi i LLCD dderbyn chwe chopi cyfarch o'r cyfieithiad cyhoeddiedig yn ogystal â phrawf fod y cyfieithydd wedi ei dalu yn ôl amodau'r cytundeb. Mae hawl gan LLCD i beidio â thalu'r grant os na chyßawnwyd amodau'r cytundeb.

Grantiau am gyfieithiadau sampl.

Gall cyhoeddwyr ymgeisio hefyd am grant at gost comisiynu cyfieithiad sampl.

Amodau

Caiff y grant cyfieithu ei dalu yn ei grwnswth ar ôl i'r cyhoeddwyr gyßawni'r amodau canlynol:

• Ni ellir dyfarnu grant yn ôl-syllol;
• Rhoddir grantiau at gostau cyfieithu yn unig, nid at gostau cynhyrchu;
• Rhaid cyhoeddi'r canlynol, ynghyd â logo LLCD, ar un o dudalennau cyntaf pob argraffiad: 'Cyhoeddwyd â chymorth ariannol Cyfnewidfa Len Cymru / Published with the financial support of Wales Literature Exchange';
• Rhaid argraffu enw'r cyfieithydd yn glir naill ai ar glawr neu ar dudalennau cyntaf y llyfr;
• Rhaid anfon prawf fod y cyfieithydd wedi ei dalu yn ôl manylion y cytundeb a ddarparwyd gyda'r cais am grant cyfieithu;
• Rhaid anfon chwe chopi cyfarch at LLCD.
• Lle bo enwau, geiriau neu ymadroddion Cymraeg yn ymddangos yn y cyfieithiad, cyfrifoldeb y cyhoeddwr yw gwneud yn siwr eu bod wedi eu sillafu yn gywir;
• Cyfrifoldeb y cyhoeddwr yw gwneud yn siwr fod y llyfr wedi ei gynhyrchu a'i ddylunio i safon dderbyniol.
• Rhaid cyhoeddi'r llyfr o fewn 30 mis i ddyddiad dyfarnu'r grant cyfieithu.

Cliciwch yma os gwelwch yn dda i ddadlwytho'r ffurßen gais.

CRONFA CYßEOEDD RHYNGWLADOL CELFYDDYDAU RHYNGWLADOL CYMRU

Gellir cyßwyno cais i'r gronfa hon ar gyfer:

• prosiectau rhyngwladol sydd yn digwydd y tu allan i'r DU sydd yn cynnwys cyfraniadau gan artisitiaid sydd yn byw yng Nghymru , neu sefydliadau celfyddydol sydd wedi eu lleoli yng Nghymru.

Noder y rhoddir blaenoriaeth i brosiectau lle ceir elfen sylweddol o gydweithio.

Cliciwch yma i weld y manylion llawn am y gronfa.

Am wybodaeth bellach cysylltwch â:

Nikki Morgan
International Projects Administrator
Wales Arts International
28 Park Place
Cardiff CF10 3QE

T 029 2038 3037
nicola.morgan@wai.org.uk
www.wai.org.uk